នៅថ្ងៃព្រហស្បតិ៍ ៦កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣ ខែ មេសា ឆ្នាំ២០២៥ លោក ញ៉ែម វណ្ណា នាយរងផ្នែករដ្ឋបាលជលផលទំនប់រលក បានសហការជាមួយអង្គការសត្វព្រៃ និងរុក្ខជាតិប្រចាំកម្ពុជា បើកវគ្គបណ្តុះបណ្តាលដល់កំលាំងការពារកោះពូលូវ៉ៃលេខ៥ បញ្ជាការដ្ឋានការពារកោះឆ្នេរ ស្តីអំពីការអប់រំផ្សព្វផ្សាយចំណេះដឹងក្នុងការចូលរួមអភិរក្សអណ្តើកសមុទ្រដែលមានខ្លឹមសារប្រធានបទសំខាន់ដូចខាងក្រោម៖ ១.សារសំខាន់នៃការអភិរក្សអណ្តើកសមុទ្រ ២.ប្រភេទអណ្តើកសមុទ្រលើពិភពលោក និងប្រភេទអណ្តើកសមុទ្រកម្ពុជា និងការកំណត់អត្តសញ្ញាណប្រភេទអណ្ដើកសមុទ្រកម្ពុជា ៣.វិធីសាស្ត្រកត់ត្រាប្រមូលព័ត៌មាន និងកឹបស្លាកសម្គាល់លើអណ្តើកសមុទ្រមុនពេលលែងចូលធម្មជាតិ។ ៤.ពង្រឹងសមត្ថភាព បច្ចេកទេសបន្ថែមដល់កងកម្លាំងអ្នកស្ម័គ្រចិត្តដើររកសំបុកអណ្តើកប្រចាំការនៅប្រជុំកោះតាង និងប្រជុំកោះពូលូវ៉ៃ។ វគ្គបណ្ដុះបណ្ដាលនេះមានអ្នកចូលរួមសរុប៤០នាក់ ស្រី ៣នាក់។