ថ្ងៃព្រហស្បតិ៍ ៦កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៣ ខែមេសា ឆ្នាំ២០២៥ លោក ណុំ ប៊ុនថន អនុប្រធានការិយាល័យផែនការ គណនេយ្យ និងជាមន្រ្តីទទួលបន្ទុកផែនការ ត្រួតពិនិត្យ និងវាយតម្លៃកម្មវិធីASPIRE-ATខេត្តព្រះសីហនុ បានសម្របសម្រួលសហគមន៍កសិកម្មសារិកាកែវ ចូលរួមវេទិការបស់តួអង្គនៃខ្សែច្រវ៉ាក់តម្លៃបន្លែ និងមាន់ស្រែ អំពីលទ្ធភាពផ្គត់ផ្គង់ និងការប្រមូលទិញ ក្រោមអធិបតីភាពលោក ស៊ន វិចិត្រ ប្រធានក្រុមគាំទ្រលេខាធិការដ្ឋានកម្មវិធីASPIRE-AT និងលោក ញឹប ស៊្រន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តតាកែវ ដែលមានការចូលរួមពីមន្រ្តីតំណាងមន្ទីរកសិកម្មខេត្តគោលដៅ តំណាងអ្នកប្រមូលទិញ និងសហគមន៍កសិកម្ម នៅសណ្ឋាគារអាលីសវីឡា ខេត្តតាកែវ។