ថ្ងៃអង្គារ ៤កើត ខែចេត្រ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១ ខែមេសា ឆ្នាំ២០២៥ ក្រុមកាងារកម្មវិធីASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ ដឹកនាំដោយ លោក តឹក ជីវ៉ាយ អនុប្រធានមន្ទីរ និងជាប្រធានគ្រប់គ្រងកម្មវិធីថ្នាក់ខេត្ត បានចុះសម្របសម្រួលរៀបចំវគ្គបណ្តុះបណ្តាលផ្សព្វផ្សាយចែករំលែកចំណេះដឹង និងបទពិសោធន៍ជោគជ័យពីកសិករនាំមុខ លើខ្សែច្រវាក់តម្លៃបន្លែ ដល់ថ្នាក់ដឹកនាំ និងសមាជិកសហគមន៍កសិកម្មបន្លែសុវត្ថិភាពឃុំសំរុង នៅអាគារប្រមូលផ្តុំបន្លែ ស្ថិតក្នុងភូមិសំរុងក្រោម ឃុំសំរុង ស្រុកព្រៃនប់ ។ +លទ្ធផលនិងមេរៀនបណ្តុះបណ្តាលមានដូចខាងក្រោម៖ ១- ការធ្វើជីកំប៉ុស្ដិ៍ដោយប្រើអកម៉ូន អី អឹម (ដោយបង្ហាញអំពីអត្ថប្រយោជន៍នៃ EM, សម្ភារៈប្រើប្រាស់ និង វិធីធ្វើជី) ២- វិធានការចម្រុះលើការគ្រប់គ្រងកត្ដាចង្រៃ IPM (ពិភាក្សាពីថ្នាំពុលកសិកម្ម) ៣- បច្ចេកទេសរៀបចំដី និងប្រព័ន្ធទឹក (បង្ហាញពីសារៈប្រយោជន៍នៃបច្ចេកទេសរៀបចំដី និងប្រព័ន្ធទឹក) ៤- បច្ចេកទេសបណ្ដុះកូន (បង្ហាញពីសម្ភារៈ វិធីបណ្ដុះគ្រាប់ ការថែទាំ និង បញ្ហាដែលជួបប្រទះ) ៥- ការគ្រប់គ្រងកសិដ្ឋាន (រួមមាន៖ ១. ការគ្រប់គ្រងបុគ្គលិក ២. ការគ្រប់គ្រងថវិកា ៣. ការគ្រប់គ្រងហេដ្ឋារចនាសម្ព័ន្ធផ្ទះសំណាញ់ សម្ភារៈ និង ៤. ការគ្រប់គ្រងប្រព័ន្ធទឹក និងដីដាំដុះ)។