ថ្ងៃព្រហស្បតិ៍ ៧រោច ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែមីនា ឆ្នាំ២០២៥ លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានដឹកនាំមន្ត្រី ចុះសម្របសម្រួលដំណើរទស្សនកិច្ចរបស់លោកជំទាវ ហ៊ូ សុពណ៌ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដើម្បីសួរសុខទុក្ខ និងពិភាក្សាពីបញ្ហាប្រឈមនានាដែលកំពុងជួបប្រទះក្នុងការដាំដុះដំណាំកសិកម្ម នៅសហគមន៍កសិកម្មសារិកាកែវ ស្ថិតនៅភូមិព្រែកក្រាញ់ ឃុំសាមគ្គី ស្រុកព្រៃនប់ ដែលមានការចូលរួមពីអាជ្ញាធរឃុំសាមគ្គី ថ្នាក់ដឹកនាំ និងសមាជិកសហគមន៍កសិកម្ម។