នៅថ្ងៃចន្ទ ៤រោច ខែផល្គុន ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី១៧ ខែមីនា ឆ្នាំ២០២៥ លោក ឈុន ថុលនាយផ្នែករដ្ឋបាលជលផលទំនប់រលក បានចុះពិនិត្យផ្នែកវារីវប្បកម្ម របស់វារីវប្បករដែលមានទីតាំងស្ថិតក្នុងព្រែកបី ភូមិ១ ឃុំទំនប់រលក ស្រុកស្ទេងហាវ ខេត្តព្រះសីហនុ។ តាមការពិនិត្យជាក់ស្តែង និងការបញ្ជាក់ពីវារីវប្បករទទួលបានលទ្ធផលរួមមាន៖ + ការចិញ្ចឹមត្រីឆ្ពង់មាន១២ម្ចាស់ សរុបចំនួន៣៧៥បែរ ផ្ទៃក្រឡាសរុប១៥៩៧ម៉ែត្រក្រឡា ចំនួនត្រីសរុប១៣៧០០០ក្បាល ។ + ការដាក់ចិញ្ចឹមងាវភក់ក្នុងស្រះមាន៣ម្ចាស់ ផ្ទៃក្រឡា១៨៥២ម៉ត្រក្រឡា ដាក់កូនចិញ្ចឹមសរុប១៥០០០០កូន។ តាមការបញ្ជាក់ពីវារីវប្បករ ការចិញ្ចឹមត្រីឆ្ពង់ គឺធំលឿន ដោយសារទីតាំងអំណោយផល ប្រភពទឹកគ្រប់គ្រាន់និងទឹកល្អ ចំណីមានគុណភាព ប៉ុន្ដែក្នុងនេះការចិញ្ចឹមងាវភក់មានការធំយឺត ដោយសារកត្តាទឹក និងដី។ឆ្លើយតបនឹងបញ្ហាដែលកើតមានឡើងមន្រ្តីជំនាញបានផ្ដល់នូវបទពិសោធន៍ និងកិច្ចសហការល្អដល់វារីវប្បករ និងស្នើឲ្យបន្ត និងពង្រីកការចិញ្ចឹមបន្ថែមទៀត និងចូលរួមបំពេញកាតព្វកិច្ចធ្វើលិខិតអនុញ្ញាតវារីវប្បកម្មនៅច្រកចេញចូលនៃរដ្ឋបាលខេត្តព្រះសីហនុ។