ថ្ងៃសុក្រ ៩កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៧ ខែមីនា ឆ្នាំ២០២៥ លោក ឈុន ថុល នាយផ្នែករដ្ឋបាលជលផលទំនប់រលក បានចុះពិនិត្យការចិញ្ចឹមត្រីទឹកប្រៃ(ត្រីឆ្ពង់) នៅចំនុចស្ពានក្បាលជ្រោះ ស្ថិតក្នុងភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។ ជាលទ្ធផល៖ - តាមការពិនិត្យជាក់ស្តែង ទីតាំងនេះអំណោយផលលើផ្នែកវារីវប្បកម្ម មានចរន្តទឹកគ្រប់គ្រាន់ និងមានបរិស្ថានល្អ ធ្វើឲ្យត្រីកាត់បន្ថយជំងឺ ការលូតលាស់ធំលឿន។ ការចិញ្ចឹមមាន ៦ម្ចាស់ មានបែរសរុប ២៥៨បែរ ត្រីតូចសរុប ១១០២០០កូន និងត្រីធំ ៣៣០០០ក្បាល។ - មន្រ្តីជំនាញក៏បានជំរុញដល់ក្រុមវារីវប្បករដើម្បីស្នើសុំលិខិតអនុញ្ញាតិនៅច្រក ចេញចូលតែមួយនៅរដ្ឋបាលខេត្តផងដែរ។