ថ្ងៃអង្គារ ៦កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៤ ខែមីនា ឆ្នាំ២០២៥ លោក កឹម អាន នាយរងខណ្ឌរដ្ឋបាលជលផលកំពង់សោម និង លោក ញ៉ែម វណ្ណា នាយរងផ្នែករដ្ឋបាលជលផលទំនប់រលក បានចូលរួមប្រជុំពិគ្រោះយោបល់ស្តីពី ការប្រមូលទិន្ន័យ និងព័ត៌មាន នៃការប្រើប្រាស់ធនធាននៅតំបន់ឧទ្យានជាតិសមុទ្រកោះរ៉ុង ក្រុងកោះរ៉ុង ខេត្តព្រះសីហនុ ក្រោមអធិបតីភាពលោក រាជ សុវណ្ណ អភិបាលស្តីទីនៃគណៈអភិបាលក្រុងកោះរ៉ុង នៅសាលប្រជុំ សាលាក្រុងកោះរ៉ុង។  គោលបំណងនៃកិច្ចប្រជុំ គឺធ្វើការសិក្សាស្វែងយល់ជាមួយភាគីពាក់ព័ន្ឋដោយកំណត់តំបន់ សម្គាល់លើផែនទី និងការប្រើប្រាស់នៅក្រុងកោះរ៉ុង ខេត្តព្រះសីហនុ និង មានការចូលរួមដោយការិយាល័យឧទ្យានជាតិសមុទ្រកោះរ៉ុងនៃមន្ទីរបរិស្ថានខេត្តព្រះសីហនុ ចៅសង្កាត់ ចៅសង្កាត់រងកោះរ៉ុង/កោះរ៉ុងសន្លឹម លោកមេភូមិ ការិយាល័យ ជំនាញពាក់ព័ន្ឋ និង ក្រុមការងារអង្គការ រុក្ខជាតិ និងសត្វព្រៃ ដោយមានការគាំទ្រថវិកា ដោយអង្គការរុក្ខជាតិ និងសត្វព្រៃ ប្រចាំកម្ពុជា FF។