ថ្ងៃសុក្រ ២កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែកុម្ភៈ ឆ្នាំ ២០២៥ លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានដឹកនាំមន្រ្តីជំនាញលោក ឯម ភា នាយខណ្ឌរដ្ឋបាលជលផលកំពង់សោម និងលោក កង ម៉ាក្សីនាយផ្នែករដ្ឋបាលជលផលព្រៃនប់ ចូលរួមក្នុងកិច្ចប្រជុំលើកទី១ ក្រុមការងារបច្ចេកទេសសម្រាប់តំបន់គ្រប់គ្រងធនធានជលផលសមុទ្រព្រែកកំ ពង់ស្មាច់ ស្រុកព្រៃនប់ ខេត្តព្រះសីហនុ ក្រោមអធិបតីភាពលោក នៃ គង់ អភិបាលរង នៃគណៈអភិបាលខេត្តព្រះសីហនុ និងជាប្រធានក្រុមបច្ចេកទេស និងមានការចូលរួមពីមន្ទីរពាក់ព័ន្ធ និងអង្គការដៃគូរក្រៅរដ្ឋាភិបាលជាច្រើន ក្នុងគោលបំណង៖ -ដើម្បីរៀបចំផែនការគ្រប់គ្រង និងអភិវឌ្ឍន៍តំបន់គ្រប់គ្រងធនធានជលផលសមុទ្រព្រែកកំពង់ស្មាច់ឱ្យមានប្រសិទ្ធភាព រួមទាំងតាមដានត្រួតពិនិត្យ និងវាយតម្លៃអំពីការអនុវត្តសកម្មភាពការងារ -អប់រំផ្សព្វផ្សាយឱ្យបានទូលំទូលាយដល់ប្រជាពលរដ្ឋ ភ្ញៀវទេសចរណ៍ និងអ្នកពាក់ព័ន្ធពីសកម្មភាពនៃការគ្រប់គ្រងក្នុងតំបន់គ្រប់គ្រងជលផលសមុទ្រព្រែកកំពង់ស្មាច់។