ថ្ងៃចន្ទ ១២រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែកុម្ភៈ ឆ្នាំ២០២៥ លោក សំ សឿន នាយផ្នែករដ្ឋបាលព្រៃឈើព្រៃនប់ និងលោក អ៊ុក ពុទ្ធា នាយរងផ្នែករដ្ឋបាលព្រៃឈើព្រៃនប់ បានចូលរួមជាមួយក្រុមការងាររដ្ឋបាលព្រៃឈើថ្នាក់កណ្តាល ដឹកនាំដោយ លោក ប៊ុន រ៉ាដា អនុប្រធាននាយកដ្ឋានឧស្សាហកម្មព្រៃឈើ ចុះពិនិត្យសិក្សា និងវាយតម្លៃប្រភពផ្គត់ផ្គង់លើការស្នើសុំបង្កើតរោងម៉ាស៊ីនកែច្នៃឈើអារផលិតផលឈើដាំប្រភេទអាកាស្សា និងប្រេងខ្យល់ របស់ក្រុមហ៊ុនឡេងហ៊ីវូដ អិនដាសស្រ្ទីឯ.ក ដែលមានទីតាំងស្ថិតនៅភូមិស្ទឹងឆាយខាងជើង ឃុំស្ទឹងឆាយ ស្រុកកំពង់សីលា ខេត្តព្រះសីហនុ។ ជាលទ្ធផលក្រុមការងារបានចុះពិនិត្យ ស្រង់ឧបករណ៍ចង្វាក់ផលិតកម្ម និងប្រមូលព័ត៌មានពីម្ចាស់សំណើ ដើម្បីធ្វើកំណត់ហេតុ របាយការណ៍ជូនថ្នាក់ដឹកនាំពិនិត្យសម្រេច។