ថ្ងៃព្រហស្បតិ៍ ៨រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែកុម្ភៈ ឆ្នាំ២០២៥ លោក តឹក ជីវ៉ាយ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ និងលោក អាត ផល្លី ប្រធានការិយាល័យក្សេត្រសាស្រ្ត និងផលិតភាពកសិកម្ម បានដឹកនាំមន្ត្រីសម្របសម្រួលជាមួយកម្មវិធីផ្សព្វផ្សាយបច្ចេកទេសកសិកម្ម និងផ្ដល់ធាតុចូលកសិកម្ម ក្រោមគម្រោងសម្ព័ន្ធភាពដើម្បីការអភិវឌ្ឍន៍ដោយចីរភាព និងការគាំទ្រសម្លេងដើម្បីសមធម៌សង្គម ផ្តល់បច្ចេកទេសការដាំដុះដំណាំបន្លែ និងផ្ដល់ធាតុចូលកសិកម្ម ទៅសមាជិកសហគមន៍កសិកម្មសារិកាកែវ ចំនួន ២០គ្រួសារ ដោយមានការចូលរួមពីអាជ្ញាធរភូមិ ឃុំ និងសមាជិកសហគមន៍ នៅឃុំសាមគ្គី ស្រុកព្រៃនប់ ខេត្តព្រះសីហនុ។