ថ្ងៃព្រហស្បតិ៍ ៨រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែកុម្ភៈ ឆ្នាំ២០២៥ លោក ញ៉ែម វណ្ណា នាយរងផ្នែករដ្ឋបាលជលផលទំនប់រលក បានចូលរួមប្រជុំពិគ្រោះយោបល់ស្តីពីប្រមូលធាតុចូលនានាដើម្បីចងក្រង និងរចនាគម្រូទិន្នន័យកម្មវិធី SMART សម្រាប់ប្រើប្រាស់ និងប្រមូលទិន្នន័យទីវាលនៅសហគមន៍តំបន់ការពារធម្មជាតិ កោះស្រឡៅ សហគមន៍តំបន់ការពារកោះកាពិ និងសហគមន៍តំបន់ការពារពាមក្រសោបក្នុងមូលដ្ឋានខេត្តកោះកុង ក្រោមអធិបតីភាពលោក ហ៊ុន ម៉ារ៉ាឌី  ប្រធានមន្ទីរបរិស្ថានខេត្តកោះកុង និងមានការចូលរួមពីលោកនាយកដែនជម្រកសត្វព្រៃ លោកប្រធានតំបន់ប្រើប្រាស់ច្រើនយ៉ាងដងពែង ស្រុកស្រែអំបិល លោកប្រធានតំបន់ការពារធម្មជាតិទាំង៣ មានពាមក្រសោម កោះកាពិ និងកោះស្រឡៅ អង្គការ សត្វព្រៃ និងរុក្ខជាតិ ប្រចាំកម្ពុជា អង្គការខ្លាត្រី សរុបចំនួន ១៤នាក់ស្រី ១នាក់ នៅមន្ទីរបរិស្ថានខេត្តកោះកុង។