ថ្ងៃសុក្រ ២រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៤ ខែកុម្ភៈ ឆ្នាំ២០២៥ លោក កឹម អាន នាយរងខណ្ឌរដ្ឋបាល ជលផលកំពង់សោម   និងលោក ញ៉ែម វណ្ណា នាយរងផ្នែករដ្ឋបាលជលផលទំនប់រលក បានចូលរួមប្រជុំបូកសរុបលទ្ធផលការងារសហគមន៍នេសាទ ទាំង៣ នៅប្រជុំកោះរ៉ុង សម្រាប់ឆ្នាំ ២០២៤ និងលើកផែនការសកម្មភាពអនុវត្តសម្រាប់ឆ្នាំ២០២៥ នៅភូមិ កោះតូច សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ ក្រោមអធិបតីភាព លោក គឹម សុខា ប្រធានការិយាល័យ អភិរក្សជលផលនៃរដ្ឋបាលជលផល និងមានការចូលរួមដោយនាយកដ្ឋានអភិវឌ្ឍន៍សហគមន៍ នៃរដ្ឋបាលជលផល ការិយាល័យឧទ្យានជាតិសមុទ្រកោះរ៉ុង នៃមន្ទីរបរិស្ថាន ក្រុមប្រឹក្សា/សង្កាត់កោះរ៉ុង និងប្រធានអនុប្រធានគណៈកម្មការសហគមន៍នេសាទភូមិព្រែកស្វាយ ភូមិដើមថ្កូវ ភូមិកោះរ៉ុងសន្លឹម ដោយមានការគាំទ្រថវិកាដោយអង្គការរុក្ខជាតិ និងសត្វព្រៃ ប្រចាំកម្ពុជា FF។