ថ្ងៃសុក្រ ១៣កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែធ្នូ ឆ្នាំ២០២៤ លោក ញ៉ែម វណ្ណា នាយរងផ្នែករដ្ឋបាលជលផលទំនប់រលក បានចូលរួមសិក្ខាសាលាពិគ្រោះយោបល់ស្តីពីការកំណត់លក្ខណៈបច្ចេកទេសនៃប្រភេទឧបករណ៍នេសាទសម្រាប់រៀបចំឧបសម្ព័ន្ធនៃអនុក្រឹត្យ នៅខេត្តកំពង់ធំ ក្នុងគោលបំណង ដើម្បីប្រមូលព័ត៌មានបច្ចុប្បន្នភាពពាក់ព័ន្ធនឹងការពិពណ៌នាអំពើលក្ខណៈបច្ចេកទេសនៃប្រភេទឧបករណ៍នេសាទខ្នាតតូច ខ្នាតមធ្យម និងខ្នាតធំ សម្រាប់រៀបចំឧបសម្ព័ន្ធនៃអនុក្រឹត្យ ដោយមានការចូលរួមរដ្ឋបាល ជលផល និងខណ្ឌរដ្ឋបាលជលផលរាជធានីខេត្ត។