ថ្ងៃសុក្រ ៦កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦ ខែធ្នូ ឆ្នាំ២០២៤ លោក កឹម អាន នាយរងខណ្ឌរដ្ឋបាលជលផលកំពង់សោម និងលោកស្រី សេង រ៉ាវីន មន្រ្តីខណ្ឌ បានចូលរួមកិច្ចប្រជុំជាមួយមន្រ្តីគម្រោងរបស់ គម្រោងUSAID អភិរក្ស នៅបន្ទប់ប្រជុំរបស់ខណ្ឌរដ្ឋបាលជលផលកំពង់សោម។ ក្នុងកិច្ចប្រជុំនេះ គឺផ្ដោតទៅលើគោលបំណងនៃគម្រោង ដើម្បីជួយពង្រឹងសមត្ថភាពសហគមន៍នេសាទក្នុងការគ្រប់គ្រង ការការពារ និងអភិរក្សធនធានធម្មជាតិ និងជីវចម្រុះប្រកបដោយនិរន្ដរភាព ព្រមទាំងលើកកម្ពស់ជីវភាពសហគមន៍នេសាទ និងធានាបាននូវឥណទានកាបូន។