ថ្ងៃអង្គារ ១២កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែវិច្ឆិកា ឆ្នាំ២០២៤ លោក ឈុន ថុល នាយផ្នែករដ្ឋបាលជលផលទំនប់រលកបានដឹកនាំក្រុមល្បាតសហគមន៍នេសាទទាំងបីនៃសង្កាត់ទាំងពីរ ក្នុងក្រុងកោះរ៉ុង ធ្វើការល្បាតក្នុងដែននេសាទសមុទ្រ ដើម្បីបង្ក្រាបបទល្មើសជលផលក្នុងដែនសហគមន៍ និងការពារកន្លែងអភិរក្សជលផល ព្រមទាំងធ្វើការផ្សព្វផ្សាយដល់ប្រជានេសាទ ឲ្យយល់ដឹងអំពីធនធានជលផលកំពុងរងគ្រោះថ្នាក់ និងជិតផុតពូជ ហើយបន្តចូលរួមលែងក្តាមសេះពងក្រៅចូលសមុទ្រវិញ។