ថ្ងៃសុក្រ ១រោច ខែអស្សុជ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី១៨ ខែតុលា ឆ្នាំ២០២៤ លោក ឈុន ថុល នាយផ្នែករដ្ឋបាលជលផលទំនប់រលក លោក ជឹម ចំរើន នាយសង្កាត់រដ្ឋបាលជលផលស្ទឹងហាវ លោក ឃិន សារ៉ាវុធ មន្រ្តីខណ្ឌរដ្ឋបាលជលផលកំពង់សោម និង លោកស្រី ងិន ដាលីន មន្ត្រីខណ្ឌរដ្ឋបាលជលផលកំពង់សោម បានរៀបចំបោះឆ្នោតសហគមន៍នេសាទ ឃុំអូរត្រេះឡើងវិញ នៅសាលាឃុំអូរត្រេះ ស្រុកស្ទឹងហាវ ខេត្តព្រះសីហនុ ក្រោមអធិបតីភាព លោក លឹម ទួស្រ៊ុន មេឃុំអូរត្រេះ និងមានការចូលរួមពីក្រុមប្រឹក្សាឃុំ អូរត្រេះ លោកមេភូមិ បុគ្គលិក ក្រុមការងារ អង្គការមរតក សមាជិក និង គណៈកម្មការ នៃសហគមន៍នេសាទឃុំអូរត្រេះ។