ថ្ងៃចន្ទ  ១៣រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែកញ្ញា ឆ្នាំ២០២៤  លោកស្រី ណែត សារ៉េម អនុប្រធានមន្ទីរកសិកម្ម   រុក្ខាប្រមាញ់ និងនេសាទខេត្តព្រះសីហនុ លោក ឯម ភា នាយខណ្ឌរដ្ឋបាលជលផលកំពង់សោម និងលោក ណុំ ប៊ុនថន អនុប្រធានការិយាល័យផែនការ គណនេយ្យ បានចូលរួមវេទិកាសន្ទនា ក្រោមប្រធានបទស្ដីពី«ការឈ្វេងយល់អំពីតួនាទីអង្គការសង្គមស៊ីវិលក្នុងក្របខ័ណ្ឌយុទ្ធសាស្រ្តបញ្ចកោណដំណាក់កាលទី១» ជាមួយនឹងអង្គការ សមាគម សហគមន៍ សហជីពនៅក្នុងខេត្តព្រះសីហនុ។ កិច្ចប្រជុំនេះរៀបចំឡើងនៅសណ្ឋាគារស៊ីប្រ៊ីស និងវីឡា ខេត្តព្រះសីហនុ ក្រោមអធិបតីភាពឯកឧត្តម កឹមរ័ត្ន វិសិដ្ឋ នាយករងខុទ្ធការល័យសម្ដេចមហាបវរធិបតីហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា រដ្ឋលេខាធិការទីស្ដីការគណៈរដ្ឋមន្រ្តី និងជាប្រធានក្រុមប្រឹក្សាភិបាល វ.ស.ស ដោយមានការចូលរួមពីមន្ទីរអង្គភាពជុំវិញខេត្ត។