ថ្ងៃពុធ ៨រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៥ ខែកញ្ញា ឆ្នាំ២០២៤ លោក តឹក ជីវ៉ាយ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានចូលរួមកិច្ចប្រជុំត្រៀមរៀបចំកិច្ចសហការអន្តរាគមន៍ស្បៀង និងគ្រាប់ពូជដំណាំ ក្នុងករណីមានតម្រូវការចាំបាច់ជួយដល់ប្រជាជនឬកសិរដែលរងគ្រោះ ឬខូចខាតដំណាំដោយសារទឹកជំនន់ ក្រោមការដឹកនាំរបស់លោក នៃ គង់ អភិបាលរង នៃគណៈអភិបាលខេត្តព្រះសីហនុ តាមប្រព័ន្ធវីដេអូ Zoom Meeting ដោយមានការចូលរួមពីមន្ទីរអង្គភាពពាក់ព័ន្ធ។