ថ្ងៃព្រហស្បតិ៍ ១០កើត ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែកញ្ញា ឆ្នាំ២០២៤ លោក តឹក ជីវ៉ាយ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ និងលោក អាត ផល្លី ប្រធានការិយាល័យក្សេត្រសាស្ត្រ និងផលិតភាពកសិកម្ម បានដឹកនាំមន្រ្តីជំនាញ ចុះពិនិត្យ និងអន្តរាគមន៍ផ្តល់ថ្នាំកម្ចាត់សត្វមមាចត្នោតលើដំណាំស្រូវរបស់កសិករនៅឃុំអណ្តូងថ្ម ស្រុកព្រៃនប់ ខេត្តព្រះសីហនុ ចំនួន ៥០ហិកតា ស្មើនឹង ៣៥គ្រួសារ ក្រោយពិនិត្យរួចក្រុមការងារបានពន្យល់ណែនាំឱ្យ÷ ១.)បានផ្តល់ថ្នាំចំនួន ៥០ហិកតា ស្មើនឹង ៣៥គ្រួសារ។ ២).ណែនាំអាជ្ញាធរបិទទឹកទំនប់ប៉ុលឌែរ និងកសិករឱ្យបិទទឹកស្រែក ដើម្បីកម្ចាត់មមាច។ ៣).ណែនាំម្ចាស់ស្រែឱ្យបន្តតាមដានដំណាំស្រូវរបស់ពួកគាត់។ ៤).សំណូមពរអាជ្ញាធរជួយផ្សព្វផ្សាយដល់ប្រជាពលរដ្ឋក្នុងមូលដ្ឋានតាមដាន និងពិនិត្យបញ្ហាមមាចនេះ នឹងផ្តល់ព័ត៌មានមកមន្រ្តីជំនាញដើម្បីចុះអន្តរាគមន៍បានទាន់ពេលវេលា។