ថ្ងៃចន្ទ ៩រោច ខែអាសាធ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៩ ខែកក្កដា ឆ្នាំ២០២៤ លោកកឹម អាន នាយរងខណ្ឌរដ្ឋបាលជលផលកំពង់សោម និងលោក ញ៉ែម វណ្ណា នាយរងផ្នែកដ្ឋបាលជលផលទំនប់រលក បានចូលរួមរៀបចំវគ្គបណ្តុះបណ្តាលស្តីពី ជំនាញក្នុងការសង្រ្គោះថនិកសត្វសមុទ្រ ជាពិសេសពពួកសត្វផ្សោត បាឡែន ជ្រូកទឹក នៅសហគមន៍នេសាទព្រែកស្វាយ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ដោយមានការចូលរួមអ្នកជំនាញអង្គការសាមគ្គី និងគណៈកម្មការសហគមន៍នេសាទព្រែកស្វាយ គណៈកម្មការសហគមន៍នេសាទ ដើមថ្កូវ និងគណៈកម្មការសហគមន៍នេសាទ កោះរ៉ុងសន្លឹម។ មានការគាំទ្រ និងសហការដោយអង្គការសាមគ្គី។ វគ្គបណ្តុះបណ្តាលនេះមានគោលបំណង រួមមាន: - ផ្សព្វផ្សាយ ចំណេះដឹង អំពីថនិកសត្វសមុទ្រ - ជ្រើសរើស ភ្នាក់ងារ ចំនួន ២នាក់ ក្នុង១សហគមន៍នេសាទ ដើម្បីរាយការណ៍ពីការចាប់ដោយចៃដន្យ និងជាប់គាំង ថនិកសត្វសមុទ្រ និងបានផ្តល់សម្ភារៈ សម្រាប់ការងារជួយសង្រ្គោះ និងការពារដល់ភ្នាក់ងារផងដែរ - និងជំនាញក្នុងការសង្រ្គោះទៅលើថនិកសត្វសមុទ្រ។