ថ្ងៃពុធ ៤រោច ខែអាសាឍ ឆ្នាំរោង ឆស័ក ព.ស២.៥៦៨ ត្រូវនឹងថ្ងៃទី២៤ ខែកក្កដា ឆ្នាំ២០២៤ លោក ឈុន ថុល នាយផ្នែករដ្ឋបាលជលផលទំនប់រលកបានចូលរួមកិច្ចប្រជុំផ្សព្វផ្សាយពិគ្រោះយោបល់ជាមួយសហគមន៍នេសាទឃុំអូរត្រេះ និងឃុំទំនប់រលក ស្រុកស្ទឹងហាវ ខេត្តព្រះសីហនុស្តីពី ការដាក់ពង្រាយ សំណង់ជម្រកត្រីសិប្បនិម្មិតក្រោម គម្រោងជលផលសមុទ្រ និងតំបន់ឆ្នេរប្រកបដោយចីរភាព។ ដំណើរការកិច្ចប្រជុំមានការចូលរួមពីនាយកដ្ឋានអភិរក្សជលផល អាជ្ញាធរឃុំ និងអង្គការMCC សហគមន៍នេសាទ ព្រមទាំងប្រជានេសាទចូលរួមផងដែរ។