ថ្ងៃអង្គារ ៥កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែមិថុនា ឆ្នាំ២០២៤ លោកស្រី ណែត សារ៉េម អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ និងលោក ហុក ឡាំ នាយករងខណ្ឌរដ្ឋបាលជលផលកំពង់សោម រួមទាំងសហការី បានចូលរួមកិច្ចប្រជុំពិភាក្សាស្តីពី កិច្ចសហប្រតិបត្តិការលើគម្រោងស្តារ និងដាំព្រៃកោងកាងនៅកន្លែងសហគមន៍នេសាទតំបន់ឆ្នេរដើម្បីឥណទានកាបូន នៅសាលប្រជុំនៃមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ ដោយមានការចូលរួមពីស្ថាបន មន្ទីរ អង្គភាព និងអាជ្ញាធរពាក់ព័ន្ធ។