ថ្ងៃចន្ទ ៨រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៦ ខែវិច្ឆិកា ឆ្នាំ២០២៣ ក្រុមហ៊ុន Innovative Agrotech ស្ថិតនៅភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ ដែលមានសមាជិកបណ្ដុំអាជីវកម្មដំណាំបន្លែ បានដាំដុះដំណាំបន្លែក្នុងផ្ទះសំណាញ់ចំនួន៧ ផ្ទះសំណាញ់( ១ផ្ទះសំណាញ់= 10m x 75m) បន្លែរួមមាន ត្រសក់ផ្អែម ត្រសក់ផ្អរ ប៉េងប៉ោះ ម្ទេសហឹរ និងត្រប់។ បច្ចុប្បន្ន បាននឹងកំពុងប្រមូលផលបណ្តើរៗហើយ។