ថ្ងៃអង្គារ ៥កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែកញ្ញា ឆ្នាំ២០២៣ លោក យស់ ចន្ថាណា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានដឹកនាំមន្រ្តី ចូលរួមកិច្ចប្រជុំពិនិត្យ និងពិភាក្សាលើសំណើសុំចុះបញ្ជីដីក្រសួងកសិកម្ម រុក្ខាប្រមាញ់ និងនេសាទ ចំនួន ០៧ក្បាលដី ដែលស្ថិតនៅឃុំសាមគ្គី ឃុំទឹកល្អក់ និងឃុំទឹកថ្លា ក្រោមអធិបតីភាព លោក ព្រំ ប៊ុន្នី អភិបាលរងនៃគណៈអភិបាលស្រុកព្រៃនប់ ដែលមានការចូលរួមពីការិយាល័យភូមិបាលស្រុកព្រៃនប់ លោកមេឃុំ និងលោកមេភូមិពាក់ព័ន្ធ នៅសាលប្រជុំសាលាស្រុកព្រៃនប់។