ថ្ងៃអង្គារ ៣កើត ខែបឋមាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២០ ខែមិថុនា ឆ្នាំ២០២៣ មន្ត្រីការិយាល័យផលិត និងបសុព្យាបាល បានចុះត្រួតពិនិត្យ និងណែនាំដល់កន្លែងលក់សត្វ និងចែកចាយសាច់មួយកន្លែង នៅភូមិ៣ សង្កាត់៣ ក្រុងព្រះសីហនុ ឃើញថាទីតាំងនេះធ្វើបានត្រឹមត្រូវទៅតាមលក្ខណៈបច្ចេកទេស។ សុំណែនាំថាឲ្យមានការប្រុងប្រយ័ត្ន ដោយមុននាំសាច់ និងផលិតសត្វចូលមក ត្រូវផ្តល់ដំណឹងដល់មន្ត្រីបច្ចេកទេសជាមុនសិន សាច់សត្វ និងផលិតសត្វដែលនាំចូលមកត្រូវមានប្រភពច្បាស់លាស់ និងមានលិខិតអនុញ្ញាត្តត្រឹមត្រូវមានអនាម័យ និងមានគុណភាពល្អ។