ថ្ងៃសុក្រ ១៣រោច ខែជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៦ ខែមិថុនា ឆ្នាំ២០២៣ លោក តឹក ជីវ៉ាយ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានចូលរួមកម្មវិធីចែកធុងត្រងទឹកភ្លៀងចំនួន ១០០ធុង ដល់អាជីវករផ្សារវាលរេញ ក្រោមគម្រោងការបន្ស៊ាំទៅនឹងការប្រែប្រួលអាកាសធាតុ តាមរយៈអន្តរាគមន៍ហេដ្ឋារចនាសម្ព័ន្ធខ្នាតតូច នៅតំបន់លំនៅដ្ឋានតំបន់ឆ្នេរសមុទ្រនៃប្រទេសកម្ពុជា ក្រោមអធិបតីភាពឯកឧត្តមបណ្ឌិត ទិត្យ ពន្លគ រដ្ឋលេខាធិការក្រសួងបរិស្ថាន លោក ឡុង ឌីម៉ង់ អភិបាលរងខេត្តព្រះសីហនុ និងលោកស្រី ទិត្យ សុខា អភិបាលរងខេត្តកែប ដោយមានការចូលរួមពីមន្ទីរអង្គភាពពាក់ព័ន្ធ។