ថ្ងៃព្រហស្បតិ៍ ១២រោច ខែជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៥ ខែមិថុនា ឆ្នាំ២០២៣ លោក សំ សឿន នាយផ្នែករដ្ឋព្រៃឈើព្រៃនប់ បានចូលរួមកិច្ចប្រជុំ ពិភាក្សាអំពីការអនុវត្តគម្រោង" ការបន្សាំទៅនឹងការប្រែប្រួលអាកាសធាតុ តាមរយៈអន្តរាគមន៍ហេដ្ឋា រចនាសម្ព័ន្ធខ្នាតតូចនៅតំបន់លំនៅដ្ឋាន តំបន់ឆ្នេរសមុទ្រនៃប្រទេសកម្ពុជា" នៅខេត្តព្រះសីហនុ នៅសាលប្រជុំរដ្ឋបាលស្រុកព្រៃនប់ ដឹកនាំដោយលោកបណ្ឌិត ហាក់ ម៉ៅ ប្រធាននាយកដ្ឋានប្រែប្រួលអាកាសធាតុ និងលោក គង់ សោភា អភិបាលរងស្រុកព្រៃនប់។ កិច្ចពិភាគ្សាបានផ្តោតទៅលើ÷ -ការធ្វើលូប្រអប់រំដោះទឹក ចម្ងាយ ១០៦០ម ពីផ្លូវរថភ្លើងមកវិទ្យាល័យ។ -សង់ផ្ទះគម្រូធន់នឹងការប្រែប្រួលអាកាសធាតុ ជូនប្រជាពលរដ្ឋ ចំនួន ៤គ្រួសារ។ -ដាំដើមកោងកាង នៅតាមព្រែកកំពង់ស្មាច់ឡើងវិញ។