ថ្ងៃអង្គារ ១១កើត ខែជេស្ឋ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី៣០ ខែឧសភា ឆ្នាំ២០២៣ លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានចូលរួមកិច្ចប្រជុំស្តីពីសំណើរបស់ប្រជាពលរដ្ឋចំនួន ៦៣០គ្រួសារ ស្នើសុំបង្កើតសហគមន៍ការពារធម្មជាតិអូរអន្លង់ខ្ចៅ នៃឧទ្យានជាតិព្រះមុនីវង្សបូកគោ ដែលមានទីតាំងស្ថិតនៅភូមិតាអោងធំ និងព្រែកក្រាញ់ ឃុំសាមគ្គី ស្រុកព្រៃនប់ ខេត្តព្រះសីហនុ ក្រោមអធិបតីភាពលោក ឡុង ឌីម៉ង់ អភិបាលរង នៃគណៈអភិបាលខេត្តព្រះសីហនុ ដោយមានការចូលរួមពីមន្ទីរអង្គភាពពាក់ព័ន្ធ។