ថ្ងៃព្រហស្បតិ៍ ៧រោច ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី១១ ខែឧសភា ឆ្នាំ២០២៣ លោក កឹម អាន នាយរងខណ្ឌរដ្ឋបាលជលផលកំពង់សោម បានចុះពិនិត្យ ឆ្អឹងត្រីបាឡែនដែលអ្នកនេសាទ នេសាទបាននៅឆកកំពង់សោមនៅផែទំនប់រលក សង្កាត់១ ក្រុងព្រះសីហនុ។ តាមការពិនិត្យ ឃើញថានេះជាប្រភេទឆ្អឹងថ្គាមប្រវែង ២,៥ ម៉ែត្រ។ ពពួកត្រីបាឡែននេះ វាជាពពួកថនិកសត្វសមុទ្រ ដែលមានការលូតលាស់យឺត អាយុពេញវ័យបង្កើតកូនបានតិចតួច កត្តានេះបានធ្វើឲ្យពពួកនេះ ងាយរងគ្រោះថ្នាក់ ដោយកក្តា ឥទ្ធិពលមនុស្ស និងធម្មជាតិ។ ត្រីបាឡែនប្រភេទនេះការពារដោយអនុក្រឹតលេខ១២៣ ឆ្នាំ២០០៩។ ពួកវារស់នៅតំបន់ទឹកជ្រៅ (យោងតាម សៀវភៅ Field Giuid to Marine Living Resources in Cambodia)។