ថ្ងៃអង្គារ ៦កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៥ ខែមេសា ឆ្នាំ២០២៣ លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានដឹកនាំក្រុមការងារចុះសិក្សាដើម្បីសាងសង់ស្ពានកំពុងក្រញូងនៅភូមិបឹងរាំង និងភូមិព្រែកក្រាញ់ ឃុំសាមគ្គី សម្រាប់បងប្អូនប្រជាពលរដ្ឋធ្វើដំណើរទៅធ្វើស្រែលើផ្ទៃដីជាង ១ ០០០ហិកតា ដែលជាអំណោយដ៏ថ្លៃថ្លារបស់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមការងារគណបក្សចុះមូលដ្ឋានខេត្តព្រះសីហនុ។