ថ្ងៃព្រហស្បតិ៍ ១១កើត ខែជល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០២ ខែមីនា ឆ្នាំ២០២៣ លោកស្រី ហែម ផល្លា ប្រធានការិយាល័យផលិតកម្ម និងបសុព្យាបាល បានដឹកនាំមន្ត្រីបច្ចេកទេស ចុះត្រួតពិនិត្យកន្លែងលក់សត្វចិញ្ចឹម ចំណីសត្វ និងបសុឱសថ នៅសង្កាត់២ សង្កាត់៣ និងសង្កាត់៤ ឃើញថា កន្លែងប្រកបអាជីវកម្មចំនួន ០៣កន្លែង គ្មានច្បាប់អនុញ្ញាត្ត ក្រុមការងារជំរុញឱ្យពួកគាត់ទៅសុំច្បាប់អនុញ្ញាត្តនៅអង្គភាពច្រករបស់ខេត្ត និងណែនាំពួកគាត់ឱ្យមានការប្រុងប្រយ័ត្នធ្វើអនាម័យឱ្យបានជាប់ប្រចាំ ពិសេសនាក់លក់សត្វចិញ្ចឹម ឱ្យបាញ់ថ្នាំសំលាប់មេរោគលើទ្រុងសត្វ ដើម្បីទប់ស្កាត់ជំងឺផ្សេងៗ។