ថ្ងៃព្រហស្បតិ៍ ៤រោច ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៩ ខែកុម្ភៈ ឆ្នាំ២០២៣ លោក អ៊ុក ពុទ្ធា នាយសង្កាត់រដ្ឋបាលព្រៃឈើកំពង់សីលា បានដឹកនាំគណៈកម្មការគ្រប់គ្រងសហគមន៍ព្រៃឈើអ្នកតាថ្មព្រង់ចំនួន ១រូប ចូលរួមកិច្ចប្រជុំប្រចាំឆ្នាំលើកទី៧ របស់គណៈកម្មការសម្របសម្រួលកម្មវិធីសហគមន៍ព្រៃឈើថ្នាក់ជាតិ ក្រោមអធិបតីភាពលោក ឡុង រតនៈកុមារ អនុប្រធាននាយកដ្ឋានសហគមន៍ព្រៃឈើ តំណាងឯកឧត្តមបណ្ឌិតកែវអូម៉ាលីស ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលព្រៃឈើ នៅសណ្ឋាគារភ្នំប្រុស ខេត្តកំពង់ចាម ដោយមានអ្នកចូលរួមសរុបចំនួន ១៦០នាក់។