ថ្ងៃសុក្រ ៦កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៧ ខែមករា ឆ្នាំ២០២៣ លោក យស់ ចន្ថាណា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានដឹកនាំមន្ត្រីជំនាញបសុពេទ្យ សហការជាមេភូមិ និងភ្នាក់ងារសុខភាព ដោយចែកចេញជា ៤ក្រុម ចុះចាក់វ៉ាក់សាំងការពារជំងឺ អុតក្តាម និងជំងឺដុំពក គោ ក្របី នៅភូមិចាំក្រាំងអាត់ និងភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុ បានគោក្របីសរុបចំនួន ៣១៥ក្បាល ក្នុងនោះ គោចំនួន ១៩០ក្បាល និងក្របីចំនួន ១២៥ក្បាល។ ក្នុងនោះបានចែកថ្នាំវ៉ាក់សាំង និងបរិក្ខាបសុពេទ្យ ជូនពេទ្យសត្វភូមិដើម្បីធ្វើការចាក់បន្តជូនប្រជាពលរដ្ឋថែមទៀត។