ថ្ងៃពុធ ៥រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១១ ខែមករា ឆ្នាំ២០២៣ មន្ត្រីការងាររបស់ការិយាល័យផលិតកម្ម និងបសុព្យាបាល បានចុះត្រួតពិនិត្យសាច់សត្វ និងផលិតផលដែលមានដើមកំណើតពីសត្វនៅផ្សារលើ ដើម្បីស្វែងរកនូវផលិតផលសត្វដែលដាក់លក់ដោយខុសច្បាប់ ពិសេសសាច់ជ្រូកក្លាសេ តាមការពិនិត្យឃើញថា សាច់ដែលតាំងលក់នៅលើតូបក្នុងផ្សារ គឺជាសាច់ជ្រូកដែលនាំចេញពីទីសត្តឃាតដ្ឋានដែលមានការអនុញ្ញាតដោយមន្ត្រីជំនាញទាំងអស់។