ថ្ងៃសុក្រ ៧រោជ ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែសីហា ឆ្នាំ២០២២ លោក ឈុន ថុល នាយរងផ្នែករដ្ឋបាលជលផលទំនប់រលក បានចូលរួមជាមួយក្រុមការងាររដ្ឋបាលខេត្តព្រះសីហនុ ដឹកនាំដោយលោក ទៀត ចំរើន នាយករងទីចាត់ការអន្តរវិស័យរដ្ឋបាលខេត្តព្រះសីហនុ ដោយមានការចូលរួមពី ប្រធានមន្ទីរទេសចរណ៍ខេត្ត លោកអភិបាលរងក្រុងកោះរ៉ុង មន្ទីរបរិស្ថាន មន្រ្តីសាលាខេត្ត អាជ្ញាធរមូលដ្ឋាន បានចុុះពិនិត្យលើដីទីតាំងស្នើសុំរៀបចំតំបន់អេកូទេសចរណ៍ព្រៃកោងកាង ស្ថិតក្នុងភូមិសុខសាន្ត និងភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។