ថ្ងៃព្រហស្បតិ៍ ៨កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៤ ខែតុលា ឆ្នាំ២០២១ មន្រ្តីជំនាញជលផល នៃខណ្ឌរដ្ឋបាលជលផលកំពង់សោម បានចុះពិនិត្យត្រីផ្សោត១ក្បាល ដែលបានងាប់អណ្តែតមកទើរនៅចំណុចឆ្នេរព្រែកត្រែង ភូមិ១ ឃុំអូរត្រេះ ស្រុកស្ទឹងហាវ ខេត្តព្រះសីហនុ។ តាមការសាកសួរពីប្រជាពលរដ្ឋត្រីផ្សោតនោះបានងាប់រយ:ពេលមួយសប្តាហ៍ហើយ ដែលមានទង្ងន់ ប្រមាណជាង១០០គក្រ បណ្តោយ ១.៨០ម ទទឹង ០.៨០ម ជាប្រភេទផ្សោតច្រមុះដបចំពុះវែង(common bottlenose)មាននៅតំបន់កោះព្រីង ឆ្នេរខែម មុខរាម នៅប្រជុំកោះរ៉ុង។ ផ្សោតប្រភេទនេះ  ជាប្រភេទសត្វកម្រត្រូវការពារដោយអនុក្រឹត្យលេខ១២៣ អ.ន.ក្រ ។ តាមការសន្និដ្ឋាន ត្រីផ្សោត បានងាប់ដោយសារជាប់មងរបស់ប្រជានេសាទ  ធ្វើអោយត្រីងាប់ ហើយមន្រ្តីជំនាញបានធ្វើការកប់។