ថ្ងៃព្រហស្បតិ៍ ៩រោច ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៣០ ខែកញ្ញា ឆ្នាំ២០២១ កសិករ ឈ្មោះ ងួន ពឿន រស់នៅភូមិបត់រសិមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ ដោយឃើញពីអត្ថប្រយោជន៍ពីការដាំដុះដំណាំបន្លែក្នុងផ្ទះសំណាញ់ គាត់បានសាងសង់ផ្ទះសំណាញ់ទំហំ ១០ម៉ែត្រ×២៤ម៉ែត្រ។ កសិករនិយាយថាក្រោយឃើញកសិករដែលមានផ្ទះសំណាញ់អាចធ្វើការដាំដុះដំណាំបន្លែបានគ្រប់រដូវ គាត់បានសម្រេចចិត្តសាងសង់ផ្ទះសំណាញ់ ដើម្បីបង្កើនផលិតភាពលើការដាំដុះដំណាំបន្លែរបស់គាត់ឱ្យបានគ្រប់រដូវផងដែរ។