ថ្ងៃពុធ ២កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៨ ខែកញ្ញា ឆ្នាំ២០២១ លោកស្រី ហែម ផល្លា ប្រធានការិយាល័យផលិតកម្ម និងបសុព្យាបាល បានដឹកនាំមន្ត្រី ចុះព្យាបាលគោមានជំងឺដុំពក ជូនកសិករ ឃីន លុន នៅភូមិ៥ សង្កាត់៤ ០៣ក្បាល ក្នុងចំណោមគោ ០៨ក្បាល ហើយបានធ្វើការណែនាំម្ចាស់សត្វឲ្យបំបែកសត្វឈឺចេញពីសត្វជា សំលាប់មេរោគកន្លែងទ្រុងសត្វ លាងសត្វនឹងសាប៊ូ១ថ្ងៃ២ដង ដុតធូបមូសកុំឱ្យ មូស រុយ ដង្កែ របោម រោម ឬខាំសត្វ។ គិតមកដល់ត្រឹមថ្ងៃនេះក្នុងខេត្តព្រះសីហនុ គឺមានសត្វគោកើតជំងឺដុំពកលើស្បែកចំនួន១០ក្បាល។