ថ្ងៃអង្គារ ១៣កើត ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២២ ខែមិថុនា ឆ្នាំ២០២១ មន្ត្រីកម្មវិធីAspire និងមន្ត្រីផ្សព្វផ្សាយឃុំសាមគ្គី បានចុះពិនិត្យការដាំដុះដំណាំបន្លែក្នុងផ្ទះសំណាញ់ របស់កសិករ សាយ សុខឿន រស់នៅភូមិបឹងរាំង ឃុំសាមគ្គី ស្រុកព្រៃនប់ ខេត្តព្រះសីហនុ ក្រោយទទួលបានការគាំទ្រផ្ទះសំណាញ់ពីកម្មវិធី Aspire កសិកររូបនេះបានធ្វើការដាំដុះក្រញ៉ាញ់ ស្ពៃជ្រក់ ស្ពៃខៀវ និងខាត់ណាដើម ជាពពួកបន្លែយកស្លឹក ដោយគាត់លើកឡើងថា បន្លែដែលគាត់ដាំទាំងនេះបើដាំក្រៅផ្ទះសំណាញ់គឺត្រូវការការថែទាំខ្លាំងជាពិសេសនៅរដូវភ្លៀងនេះ ដោយគាត់ប្រៀបធៀបថាពេលបានដាំក្នុងផ្ទះសំណាញ់បន្លែរបស់គាត់លូតលាស់ល្អ និងចំណាយពេលតិចក្នុងការថែទាំ ជាពិសេសកាត់បន្ថយនូវការប្រើប្រាស់ថ្នាំសម្លាប់សត្វចង្រៃ។ គាត់ពិតជាសប្បាយរីករាយមែនទែន ដែលអាចបង្កបង្កើនផលដំណាំបន្លែទាំងនេះបាន ផ្ទុយពីការដាំបន្លែទាំងនេះក្រៅផ្ទះសំណាញ់។ គាត់បានថ្លែងអំណរគុណដល់ក្រសួងកសិកម្ម រុក្ខាប្រមាញ់ និងនេសាទ ដែលបានផ្ដល់ផ្ទះសំណាញ់ជូនគាត់ តាមរយៈមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ។