ថ្ងៃពុធ ១០រោច ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៧ ខែមេសា ឆ្នាំ២០២១ ការចុះពិនិត្យការចិញ្ចឹមមាន់របស់កសិករ គួយ រក្សា រស់នៅភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ បច្ចុប្បន្នគាត់ចិញ្ចឹមមេចំនួន ៣០ក្បាល និងមាន់សាច់ចំនួន ៧០ក្បាល។ ដោយបញ្ហាអាកាសធាតុ មាន់របស់គាត់មានជំងឺផ្តាសាយតិចតួច មន្ត្រីជំនាញបានណែនាំឱ្យប្រើប្រាស់ថ្នាំព្យាបាល និងពន្យល់ពីអត្ថប្រយោជន៍ នៃការចាក់វ៉ាក់សាំងមាន់ តាមដំណាក់កាលនីមួយៗនៃអាយុមាន់ រួមទាំងការធ្វើអនាម័យទ្រុង ស្នូកទឹក ស្នូកចំណី និងការបាញ់ថ្មាំសម្លាប់មេរោគឱ្យបានទៀងទាត់។