នៅថ្ងៃព្រហស្បតិ៍ ១២កើត ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែមីនា ឆ្នាំ២០២១ ក្រុមការងារខណ្ឌរដ្ឋបាលជលផលកំពង់សោម សហការជាមួយគណៈបញ្ជាការឯកភាពស្រុកស្ទឹងហាវដឹកនាំដោយលោក អ៊ុង ឆាលី អភិបាលរងស្រុកស្ទឹងហាវ បានចុះទប់ស្កាត់ការហ៊ុមព័ទ្ធរបង និងវាយកំទេចក្បឿងដែលបាំងជារបងក្នុងដែននេសាទមួយកន្លែង ស្ថិតនៅភូមិអូរត្រេះ ឃុំអូរត្រេះ ស្រុកស្ទឹងហាវ ខេត្តព្រះសីហនុ។ ក្រុមការងារបន្តស្រាវជ្រាវ និងទប់ស្កាត់សកម្មភាពខាងលើបន្តទៅទៀតដើម្បីរកជនសង្ស័យដើម្បីចំណាត់ការតាមនីតិវិធីច្បាប់ស្តីពីជលផល។