ថ្ងៃពុធ ៤កើត ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៧ ខែមីនា ឆ្នាំ២០២១ មន្ត្រីការិយាល័យក្សេត្រសាស្ដ្រ និងផលិតភាពកសិកម្ម សហការជាមួយ ភ្នាក់ងារផ្សព្វផ្សាយឃុំព្រៃនប់ បានចុះពិនិត្យការដាំដុះដំណាំរួមផ្សំរបស់កសិករ ណាង អួន រស់នៅភូមិព្រៃនប់៣ ឃុំព្រៃនប់់ ស្រុកព្រៃនប់ ខេត្តព្រះសីហនុ។ ជាលទ្ធផលកសិករបានដាំដំណាំត្រប់វែងលើផ្ទៃដី ៥អា ដែលប្រមូលផលបានចន្លោះពី ១០ទៅ១៥គីឡូ ក្នុងមួយថ្ងៃ លក់ក្នុងតម្លៃ ៣ ០០០រៀល ក្នុងមួយគីឡូក្រាម នៅផ្សារព្រៃនប់។