ថ្ងៃសៅរ៍ ២កើត ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៣ ខែកុម្ភៈ ឆ្នាំ២០២១ ដោយបានទទួលបទបញ្ជាដ៏ខ្ពង់ខ្ពស់ពី ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ នៅថ្ងៃទី១៣ ខែកុម្ភៈ ឆ្នាំ២០២១ ខណ្ឌរដ្ឋបាលជលផលកំពង់សោម សហការជាមួយនគរបាលឃុំ កម្លាំងកងយុទ្ធពលខេមរភូមិន្ទ ប្រចាំនៅឃុំកោះខ្យង់ និងអាជ្ញាធរមូលដ្ឋាន បានចុះផ្សព្វផ្សាយដល់បងប្អូនប្រជានេសាទ និងបងប្អូនអ្នកប្រមូលទិញផលិតផលនេសាទ នៅភូមិកោះខ្យង ឃុំអូរជ្រៅ ព្រៃនប់ ខេត្តព្រះសីហនុ ស្តីពីការបង្ការការពារ និងវិធានការទប់ស្កាត់ ការនាំចូលវីរុសកូវីដ១៩។