ថ្ងៃពុធ ១រោច ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣០ ខែធ្នូ ឆ្នាំ២០២០ លោក សំ សឿន នាយផ្នែករដ្ឋបាលព្រៃឈើព្រៃនប់ បានចូលរួមកិច្ចប្រជុំ ស្តីពី ការសុំអន្តរាគមន៍របស់ក្រុមហ៊ុនផ្លូវល្បឿន និងវិធានការណ៍ទប់ស្កាត់ បង្ក្រាបបទល្មើសដីព្រៃនៅក្នុងកន្លងផ្លូវល្បឿនដែលមានទីតាំងនៅឃុំបិតត្រាំង រដ្ឋបាលស្រុកព្រៃនប់ ក្រោមអធិបតីភាព លោក សរ កក្កដា អភិបាល នៃគណៈអភិបាលស្រុកព្រៃនប់ ដោយមានការចូលរួមពីកម្លាំងនគរបាល អាវុធហត្ថ និងក្រុមការងារដោះស្រាយផ្លូវល្បឿន មេឃុំបិតត្រាំង។