ថ្ងៃចន្ទ ៧កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១ ខែធ្នូ ឆ្នាំ២០២០ លោក អ៊ុក ពុទ្ធា នាយសង្កាត់រដ្ឋបាលព្រៃឈើកំពង់សីលា បានចូលរួមពិនិត្យព្រំប្រទល់សហគមន៍ និងដាំបង្គោលថ្មការពារព្រំសហគមន៍ចំនួន ៥០បង្គោល ត្រង់ចំណុចអូរស្រែក្រូច តាមព្រំខាងកើតសហគមន៍ព្រៃឈើអ្នកតាថ្មព្រង់ ស្ថិតនៅឃុំកំពង់សីលា ស្រុកកំពង់សីលា ខេត្តព្រះសីហនុ ដែលមានគណៈកម្មការគ្រប់គ្រងសហគមន៍និងសមាជិកសហគមន៍ចូលរួមចំនួន ១២នាក់ និងបានចុះពិនិត្យមើលការសាងសង់ស្នាក់ការល្បាតព្រៃសហគមន៍ដែលមានទំហំ ៦ម៉ែត្រ គុណ ៨ម៉ែត្រ។