ថ្ងៃចន្ទ ៧កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១ ខែធ្នូ ឆ្នាំ២០២០ មន្ត្រីខណ្ឌរដ្ឋបាលជលផលកំពង់សោម នៃមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ សហការជាមួយ ក្រុមការងារថ្នាក់ស្រុក បានចុះទប់ស្កាត់ការសាងសង់សំណង់ថ្មីនានា ក្នុងដីព្រៃកោងកាង។ ជាលទ្ធផល បានរុះរើរោងចំនួន ៤កន្លែង និងបំផ្លាញចោលកូនដូងចំនួន ២៣ដើម ចេកចំនួន ១២ដើម ស្ថិតនៅទីតាំងតាមទំនប់ប៉ុលឌែរការពារទឹកប្រៃ (២ ៣ ៤) ក្នុងស្រុកព្រៃនប់ ខេត្តព្រះសីហនុ។