ថ្ងៃសៅរ៍ ១៤រោច ខែកត្តិក ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៤ ខែវិច្ឆិកា ឆ្នាំ២០២០ ក្រោយពីទទួលបានព័ត៌មានពី មន្ត្រីផ្សព្វផ្សាយកសិកម្មឃុំជើងគោថាមានក្របីឈឺ នៅភូមិត្រពាំងគារ លោក ហ៊ាន ចាន់ណាន អនុប្រធានការិយាល័យផលិតកម្ម និងបសុព្យាបាល បានចុះទៅដល់កន្លែងសត្វឈឺ និងមានការចូលរួមពីក្រុមប្រឹក្សាឃុំ មេភូមិ បានព្យាបាលក្របីចំនួន១៧ក្បាល និងបានចែកថ្នាំព្យាបាល ដល់មេភូមិនិងកសិករដែលមានសត្វឈឺ ព្រមទាំងបានណែនាំដល់ម្ចាស់ សត្វ ត្រូវថែទាំសត្វឈឺ និងសត្វមិនទាន់ឈឺ (នៅពេលមានយុទ្ធនាការចាក់វ៉ាក់សាំងត្រូវយកសត្វមកចាក់វ៉ាក់សាំងការពារ)។