ថ្ងៃពុធ ១២កើត ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែតុលា ឆ្នាំ២០២០ មន្ត្រីការិយាល័យផលិតកម្ម និងបសុព្យាបាល បានចុះត្រួតពិនិត្យការចិញ្ចឹមទាយកពងរបស់កសិករនៅភូមិ១ និងភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ តាមការពិនិត្យជាក់ស្តែងបានចំនួន ៤កន្លែង ដែលមានទាសរុបចំនួន ១០ ៨០០ក្បាល ដោយឃើញថាទាពងរបស់កសិករមានអត្រាពងថយចុះមួយកម្រឹត ដោយសារតែជំនន់ទឹកភ្លៀង ចំណែកឯម្ចាស់កសិដ្ឋានចិញ្ចឹមទាយកពងក្នុងចំនោមកសិកដ្ឋានចិញ្ចឹមទាទាំង៤ ឈ្មោះ ឈិន ឡុង នៅក្នុងភូមិ៤ ឃុំអូរត្រេះ គឺបានលក់មេទាចាស់ៗ របស់គាត់ ដែលអាចលទ្ធភាពផលិតពងបន្តទៀតអស់ហើយ។