ថ្ងៃអង្គារ ១១រោច ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៣ ខែតុលា ឆ្នាំ២០២០ ក្រោយពីទទទួលបានព័ត៌មានថាមានក្របីឈឺ នៅភូមិគិរីវន្ដ ឃុំស្ទឹងឆាយ ស្រុកកំពង់សីលា មន្រ្តីការិយាល័យផលិតកម្ម និងបសុព្យាបាល ដោយមានការចូលរួមពីលោក ទេព មុនី្ន អភិបាលរងស្រុកកំពង់សីលា បានចុះទៅជួបកសិករដែលមានក្របីមានបញ្ហាជម្ងឺចំនួន សរុប ១៣ក្បាល ក្នុងនោះឈឺ ២ក្បាល ក្រុមមន្ត្រីជំនាញបានព្យាបាលជូនគាត់ រួមទាំងបានណែនាំពីគុណសម្បត្តិនៃការធ្វើវ៉ាក់សាំង និងរបៀបថែទាំ លើសពីនោះដែរក្រុមការងារបានផ្តល់ថ្នាំព្យាបាល ម្ជុល និងសឺរាំងដល់គាត់ផងដែរ។