ថ្ងៃពុធ ៦កើត ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៣ ខែកញ្ញា ឆ្នាំ២០២០ លោក សំ សឿន នាយផ្នែករដ្ឋបាលព្រៃឈើព្រៃនប់ បានចូលរួមប្រជុំបូកសរុបលទ្ធផលការងារប្រចាំខែកញ្ញា និងទិសដៅអនុវត្តការងារសម្រាប់ខែតុលា ឆ្នាំ២០២០ របស់ស្រុកព្រៃនប់ ក្រោមអធិបតីលោក សរ កក្កដា អភិបាលស្រុក ព្រៃនប់ សមាសភាពចូលរួមការិយាល័យជំនាញជុំវិញស្រុក។ ក្នុងថ្ងៃដដែលលោក និងលោកលោក ចាន់ រជ្ជតា នាយរងផ្នែករដ្ឋបាលព្រៃឈើព្រះសីហនុ ចុះពន្យល់ណែនាំ របៀបបំពេញឯកសារកាន់កាប់ដី ដល់ក្រុមប្រឹក្សាឃុំ មេឃុំ ស្មៀនឃុំ និងមេភូមិ បានចំនួន ៦ ឃុំចំណុះស្រុកព្រៃនប់។